प्रधानमंत्री कार्यालय सँ संपर्क करवाक अछि 4टा उपाय, आसानी सँ कएल जा सकैछ इ काज

नई दिल्ली। देशक लोकप्रिय प्रधानमंत्री सभमे वर्तमान प्रधानमंत्री नरेंद्र मोदी सेहो गिनल जायत छथि, प्रधानमंत्री नरेंद्र मोदी बहुत कम समयम...

नई दिल्ली। देशक लोकप्रिय प्रधानमंत्री सभमे वर्तमान प्रधानमंत्री नरेंद्र मोदी सेहो गिनल जायत छथि, प्रधानमंत्री नरेंद्र मोदी बहुत कम समयमे देश आओर विदेशमे भारतीय सभक हृदयमे अपन जगह बनौलनि। प्रधानमंत्रीक लगातार बढ़ैत लोकप्रियताक कारणे देशके नागरिक हुनका सँ संपर्क करए चाहैत छथि। पहिलुका समयमे प्रधानमंत्री कार्यालय सँ सोझा संपर्क केनाय मोश्किल छल, लेकिन प्रधानमंत्री मोदी टेक्नोलॉजीक मदति सँ अहि प्रक्रियाके आसान बना देलनि। एखन धरि बेसी लोकके ई नहि बुझल होयत जे प्रधानमंत्री कार्यालय सँ कोना संपर्क कएल जा सकैछ, एतय बुझु जे ओ कोन तरीका अछि जाहिके माध्यम सँ आसानी सँ संपर्क कएल जा सकैछ।

प्रधानमंत्री कार्यालयक आधिकारिक वेबसाइट सँ सोझे चिट्ठी

प्रधानमंत्री कार्यालय सँ संपर्क करवाक लेल कार्यालयक वेबसाइट पर जाकय अपना आपके रजिस्टर कयलाक बाद संपर्क कयल जा सकैछ। वेबसाइट www.pmindia.gov.in पर प्रधानमंत्री सँ संपर्क लेल जानकारी देल गेल अछि, जानकारीके मोताबिक अहाँ प्रधानमंत्री कार्यालयके चिट्ठी लिख सकैत छी अथवा अपन विचार साझा कय सकैत छी। अहाँ चिट्ठी ऑनलाइन लिख सकैत छी, वेबसाइट पर प्रधानमंत्रीके चिट्ठी लिखबाक विकल्प देल गेल अछि, जाहि पर क्लिक कयला सँ अहाँक सामने एकटा फॉर्म आयत आओर नीचाँमे चिट्ठी लिखबाक जगह देल गेल होयत , फार्ममे अपन पता, फोन नंबर, ईमेल आईडी आओर चिट्ठीके विषय लिख निचामेँ देल गेल जगहमे पूरा चिट्ठी लिख पठा सकैत छी। जँ अहाँ ऑनलाइन चिट्ठी नहि लिखय  चाहैत छी तँ सोझे डाक सँ सेहो चिट्ठी पठा सकैत छी अहिक लेल पता अछि, प्रधानमंत्री कार्यालय,  साउथ ब्लॉक, नई दिल्ली 110011

नमो एपके माध्यम सँ संपर्क

प्रधानमंत्री नरेंद्र मोदी जनताक सङ्ग सोझ संवादक लेल नमो एप लॉन्च केने छथि जाहिके माध्यम सँ प्रधानमंत्री कार्यालयक सङ्ग संपर्क कएल जा सकैछ। इ एप एंड्रॉयड, विंडो आओर आईओएस सभटा प्लेटफॉर्म पर उपलब्ध अछि।

फैक्सके माध्यम सँ संपर्क

प्रधानमंत्री कार्यालय सँ फैक्सके माध्यम सँ सेहो संपर्क कएल जा सकैछ , अहाँ अपन समस्या सभक जानकारी 0091-11-23019545 अथवा फेर 0091-11-23016857 पर फैक्स कय पठा सकैत छी।

सोशल मीडिया

प्रधानमंत्री नरेंद्र मोदी सोशल मीडिया पर सक्रिय रहैत छथि आओर अलग-अलग सोशल मीडिया प्लेटफॉर्म पर बनल हुनकर एकाउंट सँ सेहो हुनका सङ्ग संपर्क कएल जा सकैछ। प्रधानमंत्री कार्यालयक सेहो अलग-अलग सोशल मीडिया प्लेटफॉर्म पर एकाउंट बनल अछि जाहिके माध्यम सँ संपर्क कएल जा सकैछ। सोशल नेटवर्किंग वेबसाइट ट्विटर पर @pmoindia @narendramodi , फेसबुक पर www.facebook.com/narendramodi/ के माध्यम सँ अथवा फेर यूट्यूब पर प्रधानमंत्री कार्यालयके यूट्यूब चैनलक माध्यम सँ संपर्क कएल जा सकैछ।